隻手舉到某個位就痛﹖係肩夾撃症候群呀!

其實肩夾擊 (又名:肩夾擠) 症候群 shoulder impingement syndrome 好耐之前小編都介紹過,原因係好多人都將佢同五十肩混淆,越醫越錯!今次再介紹,係因為小編都中招!
肩夾撃

話說前幾日小編餵完貓後,一起身忽然覺得肩頭有點緊,想舉手撥吓頭髮時,突然痛到阿媽都唔認得!唔順氣夾硬再舉高手,又好似好啲冇咁痛;但係想再舉手整頭髮時,又再痛到跳起!如是者,一啲需要手舉到某個位置的工作完全唔做得,有時唔小心舉起隻手,真係痛到想講粗口。由於已經係夜深,唯有用啲止痛貼貼吓先啦,點知第二朝都係咁痛。

第二朝小編當然係去搵何梖榮脊醫啦!小編當時都估到係肩夾撃症候群,但係真係諗唔明點解忽然間出現。「你之前係唔係成日用一邊手拎嘢或者係一邊手孭袋呀!」何梖榮脊醫問。「係喎!前幾日執屋掉咗好多嘢,都係用左手拎。」「咁係啦!平日冇鍛鍊的肌肉忽然大量使用,就會因為過勞而發炎腫脹,隻手舉到某個位就會夾住腫脹了的肌肉,自然會痛。」何梖榮脊醫。

結果,小編做咗衝撃波之後,肌肉消了炎,好快就唔痛了。

五十肩與肩夾撃的分別

五十肩:手往前往後都痛,晚上不動更痛。有時候可能會變得不痛,但不痛的姿勢每天都有分別。
肩夾撃症候群:手舉到某個角度就痛。只要避開特定角度痛楚明顯減少。

五十肩是關節沾黏的問題,適合的運動會減輕痛楚;但肩夾撃症候群是某些肌肉發炎的問題,如果強行運動雙臂,反而會加重炎症,令問題更加嚴重。因此最好找醫生檢查,得知真正的痛症成因,治療才會有效!

隻手舉到某個位就痛﹖係肩夾撃症候群呀!

發佈留言

發佈留言必須填寫的電子郵件地址不會公開。 必填欄位標示為 *

香港註冊脊醫 Dr. Albert Ho 何梖榮